ស្ត្រីខ្មែរម្នាក់ត្រូវបានតុលាការនៅវៀតណាមដាក់ទោសប្រហារជីវិត
Khmer woman sentenced to execution by Vietnam’s court
ថ្ងៃអាទិត្យ ១៤កើត ថ្ងៃកោរ ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែសីហា គ.ស.២០២០
Sunday the 14th Waxing Moon of Sāvaṇa B.E.2564 equivalent to August 2, A.D.2020 Year of the Rat
សារព័ត៌មាន Click News
តុលាការនៅខេត្តរោងដំរី (យួនប្ដូរជា តាយនីញ Tay Ninh) ប្រទេសវៀតណាម កាលពីថ្ងៃទី៣១ ខែកក្កដា ព.ស.២៥៦៤ គ.ស.២០២០ បានដាក់ទោសប្រហារជីវិតស្ត្រីខ្មែរឈ្មោះ ម. ស្រីនាង ទាក់ទងនឹងការជួញដូរគ្រឿងញៀន។ ស្ត្រីខ្មែរ ដែលកើតនៅព.ស.២៥៣៧ គ.ស.១៩៩៣នេះ ត្រូវបានឲ្យដឹងថា មកពីរាជធានីភ្នំពេញ ពាក់ព័ន្ធនឹងការជួញដូរគ្រឿងញៀនចេញពីកម្ពុជា ទៅកាន់ប្រទេសយួន។ យោងតាមសាលដីកា នាងបានជួញដូរគ្រឿងញៀន ៥កញ្ចប់ ប្រភេទមេតំហ្វេតាមីន ទម្ងន់ ៤៩៤៣ក្រាម។

នគរបាលយួនបានចាប់ខ្លួនស្ត្រីខ្មែរខាងលើ នៅច្រកអន្តរជាតិម៉ុកបៃ (Moc Bai) នៅខេត្ដរោងដំរី កាលពីថ្ងៃទី២ ខែធ្នូ ព.ស.២៥៦៣ គ.ស.២០១៩៕