អង្គការក្រៅរដ្ឋាភិបាល និងបក្សប្រឆាំងបារម្ភលើភាពត្រឹមត្រូវនៃការបោះឆ្នោត ក្រោយរកឃើញថា ទឹកថ្នាំពណ៌ខ្មៅលុបជ្រះ
Thu 1st Waning Moon of Visakha B.E.2561, May 11, A.D.2017 Year of the Rooster
RFI
ភាពត្រឹមត្រូវនៃការបោះឆ្នោតឃុំសង្កាត់ នៅថ្ងៃទី ៤ ខែមិថុនា ខាងមុខ បន្ទាប់ពី គ.ជ.ប បានទទួលស្គាល់ថា ទឹកថ្នាំពណ៌ខ្មៅដែលបញ្ជាទិញពីប្រទេសឥណ្ឌាលុបជ្រះ។ ប៉ុន្តែយ៉ាងណាក្តី មន្រ្តីសង្គមស៊ីវិលបានកោតសរសើរពីភាពក្លាហានរបស់ គជប ខណៈដែលមន្រ្តីគណបក្សប្រឆាំងបានអះអាងថា គេមិនអាចឆ្ពោះទៅមុខបានទេ បើទឹកថ្នាំពណ៌ខ្មៅលុបជ្រះនោះ។
បន្ទប់ស្ថានការណ៍សម្រាប់ការបោះឆ្នោតមកពីភាគីក្រុមអង្គការសង្គមស៊ីវិល គ្រោងនឹងជួបប្រជុំគ្នានៅថ្ងៃសៅរិ៍ចុងសប្តាហ៍នេះ បន្ទាប់ពីមានការរកឃើញថា គំរូទឹកថ្នាំពណ៌ខ្មៅដែល គ.ជ.ប គ្រោងនឹងប្រើប្រាស់សម្រាប់ការបោះឆ្នោតឃុំសង្កាត់ខាងមុខ លុបជ្រះ។
លោក សំ គន្ធាមី ប្រធានអង្គការឃ្លាំមើលការបោះឆ្នោតនិចហ្វិច និងជាអ្នកនាំពាក្យបន្ទប់ស្ថានការណ៍សម្រាប់ឃ្លាំមើលការបោះឆ្នោតនេះ បានលើកឡើងពីការព្រួយបារម្ភរបស់ខ្លួន ចំពោះភាពត្រឹមត្រូវនៃការបោះឆ្នោតខាងមុខ បន្ទាប់ពីការពិសោធដោយ គជប ខ្លួនឯង បានរកឃើញថា ទឹកថ្នាំពណ៌ខ្មៅ ដែលគេបញ្ជាទិញមកពីប្រទេសឥណ្ឌានោះ បានលុបជ្រះ ដោយសារការប្រើប្រាស់ថ្នាំអ៊ុតសក់ ឬ ថ្នាំលាបក្រចកជាដើម។
គជប បានធ្វើពិសោធន៍លើទឹកថ្នាំគំរូនេះ កាលពី ៣សប្តាហ៍មុននេះ។ ប៉ុន្តែ គជប បានពន្យាពេលក្នុងការជូនដំណឹងដល់គណបក្សនយោបាយលើករណីនេះ រហូតទាល់តែខ្លួនធ្វើតេស្តលើទឹកថ្នាំគំរូថ្មីរួចរាល់សិន ដើម្បីពិនិត្យថា តើទឹកថ្នាំពណ៌ខ្មៅនេះ មានសារធាតុ Silver Nitrate ដែលជាសារធាតុលុបមិនជ្រះចំនួន ២៥% និងរយៈពេលងំនៃទឹកថ្នាំថ្មី។
ទោះជាយ៉ាងណាក្តី អ្នកនាំពាក្យគណៈកម្មាធិការជាតិរៀបចំការបោះឆ្នោត លោក ហង្ស ពុទ្ធា បានលើកឡើងថា គ.ជ.ប នៅមានយន្តការត្រួតពិនិត្យផ្សេងទៀត ដែលធានាថា ការបោះឆ្នោតក្រុមប្រឹក្សាឃុំសង្កាត់ខាងមុខនេះ ជនខិលខូច នឹងមិនអាចបោះឆ្នោតបានលើសពីមួយដងឡើយ។ ប៉ុន្តែមន្រ្តីគណបក្សប្រឆាំង លោកស្រី មួរ សុខហួរ កំពុងស្វែងរកឲ្យ គ.ជ.ប ធានាចំពោះមុខប្រជាពលរដ្ឋ និងម្ចាស់ឆ្នោតពីយន្តការ និងនីតិវិធី ចំពោះការធានាអះអាងនេះ។ លោកស្រីបានលើកឡើងថា គេមិនអាចឆ្ពោះទៅមុខបានទេ បើទឹកថ្នាំពណ៌ខ្មៅនេះ ត្រូវបានរកឃើញថា លុបជ្រះនោះ។
សូមបញ្ជាក់ថា គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានបញ្ជាទិញរួចមកហើយ នូវទឹកថ្នាំលុបមិនជ្រះមកពីប្រទេសឥណ្ឌាចំនួន ៤៦៥០០ដប ដោយចំណាយថវិកាអស់ ៧៩៣០០០ដុល្លារអាមេរិក។ ទឹកថ្នាំនេះ គ្រោងនឹងមកដល់ប្រទេសកម្ពុជា នៅកន្លះខែមុនការបោះឆ្នោតឃុំសង្កាត់ខាងមុខ។ លោក ហង្ស ពុទ្ធា បានបញ្ជាក់ថា ដោយសារពេលវេលាខ្លី គេមិនអាចផ្លាស់ប្តូរទឹកថ្នាំថ្មីបានទាន់ពេលវេលានោះទេ។
គួររំលឹកជូនថា នៅក្នុងការបោះឆ្នោតជាតិកាលពីឆ្នាំ ២០១៣កន្លងទៅ ក្រុមអង្គការសង្គមស៊ីវិលក៏បានលើកឡើងពីការព្រួយបារម្ភលើបញ្ហាទឹកថ្នាំពណ៌ខ្មៅលុបមិនជ្រះនេះដែរ ប៉ុន្តែត្រូវបានច្រានចោល៕
គ.ជ.ប ទទួលស្គាល់អ្នកសង្កេត ការណ៍បោះឆ្នោតជាង ១៣ ម៉ឺននាក់
Wed 15th Waxing Moon of Visakha B.E.2561, May 10, A.D.2017 Year of the Rooster
The Phnom Penh Post
គិតមកដល់ត្រឹមថ្ងៃទី៨ខែឧសភា គជប បានទទួលស្គាល់អ្នកសង្កេតការណ៍មកពីអង្គការជាតិ និងអន្តរជាតិជាង ៣ ម៉ឺននាក់ និងមកពីគណបក្សនយោបាយចំនួន១២ដែលចូលរួមប្រកួតនៅក្នុងការបោះឆ្នោត ជ្រើសរើសក្រុមប្រឹក្សា ឃុំ សង្កាត់ មានជាង១០ម៉ឺននាក់ខណៈដែល គជប បានអះអាងថា ខ្លួនមានវិធានរឹងមាំ ក្នុងការទប់ស្កាត់អ្នកបោះឆ្នោតលើសពីម្តង។
ក្នុងសេចក្តីប្រកាសព័ត៌មានមួយចេញកាលពីថ្ងៃទី ៨ ខែឧសភា ដែលត្រូវបានចែកជូនអ្នកសារព័ត៌មានកាលពីម្សិលមិញ គ.ជ.ប បញ្ជាក់ថា គិតត្រឹមថ្ងៃទី ៨ ខែឧសភាខ្លួនបានទទួលស្គាល់អ្នកសង្កេតការណ៍មកពីអង្គការជាតិចំនួន ៣០៦៣០នាក់ មកពីអង្គការចំនួន ៩ផ្សេងគ្នា ដែលក្នុងនោះសហភាពសហព័ន្ធកម្ពុជា អង្គការខុម ហ្វ្រែល និងសមាគមនារីកម្ពុជា ដើម្បីសន្តិភាព និងអភិវឌ្ឍ។
(more…)
Tue 14th Waxing Moon of Visakha B.E.2560, May 9, A.D.2017 Year of the Rooster
Courtesy UN
A member of the Royal Cambodian Armed Forces salutes at a ceremony ahead of the deployment of 184 soldiers on a peacekeeping mission to Lebanon in 2014. (Siv Channa/The Cambodia Daily)
9 May 2017 – The United Nations peacekeeping mission in the Central African Republic (CAR) has strongly condemned yesterday’s attack on one of its convoys in the country’s south that killed one Cambodian peacekeeper.
Peacekeepers with the United Nations Multidimensional Integrated Stabilization Mission in the Central African Republic (MINUSCA). Photo: MINUSCA
“MINUSCA vigorously denounces this odious attack on peacekeepers whose presence on Central African soil has no other objective than to help the country to protect its population and to allow the Central African Republic to emerge from the cycle of violence caused by armed groups,” said a press release, referring to the UN Multidimensional Integrated Stabilization Mission in CAR by its French acronym.
Eight peacekeepers were also injured, including one Cambodian and seven Moroccan, near Bangassou, about 474 km east of the nation’s capital, Bangui, with four peacekeepers missing in action, according to MINUSCA.
The Mission said it has sent a helicopter and peacekeepers to secure the site and search for those missing in action. A medevac plane evacuated the injured peacekeepers, who have arrived in Bangui and are receiving medical care.
The Mission said it will do everything possible to ensure that the perpetrators of the attack –who fled into the bush – are arrested so that they can be brought to justice.
MINUSCA recalled that “harming the life of a peacekeeper can be considered a war crime and subject to prosecution.”
The Secretary-General’s Special Representative and head of MINUSCA, Parfait Onanga-Anyanga, extended condolences to the family of the victim, his contingent and his country, while expressing his gratitude for the work and sacrifices of the peacekeepers in protecting the population in the country.
Related story: Cambodian Peacekeeper Killed in Africa
Mon 6th Waxing Moon of Visakha B.E.2560, May 1, A.D.2017 Year of the Rooster
Download in PDF: Vietnam.2017
On April 26, 2017, USCIRF released its 2017 Annual Report. The 2017 Annual Report documents religious freedom violations in 37 countries, makes country-specific recommendations, and assesses the U.S. government’s implementation of the International Religious Freedom Act (IRFA)
អង្គការខុមហ្វ្រេលៈ របាយការណ៍សង្កេតដំណើរការចុះឈ្មោះបោះឆ្នោត គ.ស.២០១៦
Thu 2nd Waxing Moon of Visakha B.E.2560, April 27, A.D.2017 Year of the Rooster
មានជាពីរភាសា ខ្មែរ និង អង់គ្លេស Available in Khmer, English below:
Download Report in Khmer: Comfrel Final Report VRM 2016 Khmer
Download Report in English: Comfrel Final Report VRM 2016 English
អាមេរិកអាចនឹងកាត់ផ្តាច់ជំនួយទាំងស្រុងមកឲ្យប្រទេសកម្ពុជា
Wed 1st Waxing Moon of Visakha B.E.2560, April 26, A.D.2017 Year of the Rooster
The Phnom Penh Post
ឯកសារក្រសួងការបរទេសអាមេរិកជាក់ស្តែងមួយ ហាក់បានបង្ហាញយ៉ាងច្បាស់ថា ខ្លួននឹងកាត់ជំនួយអភិវឌ្ឍន៍របស់ខ្លួនដល់ប្រទេសកម្ពុជា រហូតដល់កម្រិតសូន្យ ហើយកាលពីម្សិលមិញ ក្រុមអ្នកអង្កេតបានថ្លែងថា ការកាត់ជំនួយនេះ នឹងធ្វើឱ្យជំហររបស់អាមេរិកចុះខ្សោយនៅក្នុងប្រទេសកម្ពុជា ដែលជាសញ្ញាមួយអនុញ្ញាត ឲ្យប្រទេសចិន កាន់តែពង្រឹងឥទ្ធិពលរបស់ខ្លួនរឹងមាំខ្លាំងឡើងៗនៅក្នុងប្រទេសនេះ។
ឯកសារដែលទទួលបាននិងបានចេញផ្សាយ ដោយគោលនយោបាយការបរទេសអាមេរិកកាលពីថ្ងៃចន្ទ បានបង្ហាញថា ជំនួយអភិវឌ្ឍន៍មកប្រទេស កម្ពុជា នឹងត្រូវកាត់មកដល់ចំនួនសូន្យនៅក្នុងឆ្នាំ ២០១៨ ពោលគឺធ្លាក់ចុះចាប់ពីឆ្នាំ ២០១៦ ក្នុងកម្រិតនៃការចំណាយពិតប្រាកដចំនួន ៣៤,៥ លានដុល្លារ។
ស្រដៀងគ្នានេះដែរ មូលនិធិគាំទ្រសេដ្ឋកិច្ចនឹងសម្លឹងមើលទៅដល់ការកាត់ជំនួយរហូតដល់ ១០០% នៃចំនួនថវិកា ៨ លានដុល្លារក្នុងឆ្នាំ ២០១៦។ ខណៈដែលជំនួយនេះ នៅមិនទាន់ដកហូតទាំងស្រុងនោះ កម្មវិធីថែទាំសុខភាព ដែលគ្រប់គ្រងដោយក្រសួងការបរទេសអាមេរិក និងអង្គការ USAID នោះ ត្រូវបានគេមើលឃើញថា អាចនឹងត្រូវកាត់បន្ថយចំនួនពី ១៨ ទៅ៣៧%។ និយាយជារួមជំនួយបរទេសរបស់អាមេរិក មកដល់កម្ពុជាជិត ៦០% ត្រូវបានកាត់បន្ថយនៅក្នុងឆ្នាំ ២០១៨ បើប្រៀបធៀបទៅនឹងកម្រិតនៃការចំណាយក្នុងឆ្នាំ២០១៦។
កម្ពុជា គឺជាប្រទេសមួយក្នុងចំណោមប្រទេសចំនួន ៧៧ ផ្សេងទៀត ដែលត្រូវគេមើលឃើញថា ជំនួយអភិវឌ្ឍន៍របស់ខ្លួននិងត្រូវកាត់ដល់ចំណុចសូន្យ រួមជាមួយប្រទេសជាសមាជិកអាស៊ានមួយចំនួនទៀត ដូចជាប្រទេស ឥណ្ឌូនេស៊ី, ថៃ, ឡាវនិងហ្វ៊ីលីពីនជាដើម ដែលនឹងត្រូវបានកាត់ជំនួយមានលក្ខណៈស្រដៀងៗគ្នា។
ការកាត់ជំនួយនេះគឺទំនងមិនអាចជួយកែលម្អទំនាក់ទំនងរវាងកម្ពុជា និង អាមេរិក បានទេ ខណៈដែលទំនាក់ទំនងរវាងប្រទេសទាំងពីរហាក់បានឈានចូលដល់ដំណាក់ដ៏តានតឹងនារយៈពេលចុងក្រោយនេះ។
មន្រ្តីជាន់ខ្ពស់របស់កម្ពុជា ជាច្រើន នាក់បានធ្វើការរិះគន់ ទៅលើសហរដ្ឋអាមេរិកអំពីការដែលអាមេរិកបានទម្លាក់គ្រាប់បែកមកលើប្រទេសកម្ពុជា ក្នុងអំឡុងទស្សវត្សរ៍ឆ្នាំ ១៩៧០ ដោយសារតែអាមេរិក មិនព្រមលើកលែងបំណុលសង្គ្រាមដែលកម្ពុជាជំពាក់។
ការបង្ហាញឲ្យដឹងនេះ ត្រូវបានធ្វើឡើង ខណៈដែលប្រទេសចិន បានបង្ហាញកាន់តែច្បាស់ឡើងៗ ពីឆន្ទៈរបស់ខ្លួនក្នុងការផ្ដល់មូលនិធិដល់ផ្នែកហេដ្ឋារចនាសម្ព័ន្ធ និងយោធា ហើយការផ្តល់ជំនួយនេះស្ទើរតែគ្មានការដាក់គំនាបឬចងចំណងអ្វីមួយនោះទេ ដែលធ្វើឲ្យមន្រ្តីរដ្ឋាភិបាលកម្ពុជា ងាកទៅប្រើប្រាស់ការគាំទ្រពីប្រទេសចិន ជាទ្រនាប់ ដើម្បីប្រឆាំងទៅនឹងការរិះគន់ពីអន្តរជាតិ។
អ្នកនាំពាក្យស្ថានទូត អាមេរិក លោក Jay Raman និង នាយករងបេសកកម្មរបស់ទីភ្នាក់ងារ USAID លោក Sean Callahan បានបដិសេធធ្វើអធិប្បាយលើឯកសារនេះ។
ពេលវេលានៃការបង្ហាញក៏នៅមិនទាន់ច្បាស់លាស់ដែរ ខណៈដែលឧបការីរងនៃក្រសួងការបរទេសអាមេរិកប្រចាំតំបន់អាស៊ីប៉ាស៊ីហ្វិក លោក W.Patrick Murphy បានជួបប្រជុំជាមួយនឹងមន្រ្តីក្រសួងការបរទេសរបស់កម្ពុជានៅរាជធានីភ្នំពេញកាលពីម្សិលមិញ។
លោក ជួប សុខចំរើន នាយកប្រតិបត្តិអង្គការ ខាណា ជាអង្គការប្រយុទ្ធប្រឆាំងនឹងមេរោគអេដស៍ ជំងឺអេដស៍បានថ្លែងថា ក្រុមរបស់លោកត្រូវបានគេជូនដំណឹងកាលពីខែ កុម្ភៈថា ទីភ្នាក់ងារ USAID នឹងមិនផ្តល់មូលនិធិដល់សកម្មភាពណាទៀតនោះទេចាប់ពីឆ្នាំ ២០១៨ តទៅ ដែលធ្វើឲ្យអង្គការលោក ងាកទៅរកជម្រើសផ្សេងទៀតដូចជាមូលនិធិសកល ដើម្បីរក្សាគម្រោងឲ្យនៅដំណើការ។
«ក្នុងនាមជាអង្គការក្រៅរដ្ឋាភិបាលមួយ យើងហាក់មានអារម្មណ៍ថា សោកស្តាយណាស់ ដែលមើលឃើញពីការធ្លាក់ចុះនៃការផ្តល់ជំនួយពីទីភ្នាក់ងារ USAID និងម្ចាស់ជំនួយផ្សេងៗទៀត»។
លោក ចំរើន បន្ថែមថា ភ្នាក់ងារ USAID បានប្រាប់ពួកលោកថា ការបែងចែកមូលនិធិណាមួយអាចនឹងត្រូវផ្តល់ដោយផ្ទាល់ទៅលើជំនួយបច្ចេកទេសសម្រាប់រដ្ឋាភិបាលតែប៉ុណ្ណោះ។
ជំនួយអភិវឌ្ឍន៍របស់អាមេរិកចម្បងៗមកកម្ពុជា គឺភាគច្រើនទាក់ទងនឹងការផ្តល់អាហារូបត្ថម្ភ ជំនួយផ្នែកកសិកម្មអភិបាលកិច្ចល្អ ការដោះមីននិងគម្រោងការពារបរិស្ថាន។
លោក Miguel Chanco អ្នកវិភាគរបស់អង្គភាព Economist Intelligence Unit ថ្លែងថា គម្រោងហេដ្ឋារចនាសម្ព័ន្ធទន់ខ្សោយ គឺវាជាប់ទាក់ទងទៅនឹងបញ្ហាការអប់រំ និងសុខភាពដែលនឹងរងផលប៉ះពាល់យ៉ាងពិតប្រាកដ។ «ប្រទេសចិន ទំនងជាមិនអាចបំពេញកង្វះចន្លោះនេះបានភ្លាមៗទេ ដោយសារតែវាមានភាពខុសគ្នានៃការផ្តល់ជំនួយនិងការវិនិយោគរបស់គេមកដល់កម្ពុជា»។
លើសពីនេះលោក Chanco ថ្លែងថា អាមេរិកអាចនឹងមើលឃើញពីសមត្ថភាពនៃឥទ្ធិពលនយោបាយរបស់ខ្លួន ថយចុះជាថ្មីម្តងទៀតនៅក្នុងប្រទេសនេះ ប្រសិនបើការកាត់បន្ថយទាំងនេះត្រូវបានធ្វើឡើង។
លោក Paul Chambers សាស្រ្តាចារ្យនៅឯសាកលវិទ្យាល័យ Naresuan University ក្នុងប្រទេសថៃ បានថ្លែងថា វិធីសាស្រ្តកាត់បន្ថយជំនួយអភិវឌ្ឍន៍របស់រដ្ឋាភិបាលអាមេរិកឲ្យស្របទៅនឹងគម្រោងមូលនិធិរបស់លោកប្រធានាធិបតីដូណាល់ត្រាំ គឺកាន់តែធ្វើឲ្យកម្រិតឥទ្ធិពលមហាអំណាចពិភពលោករបស់ខ្លួនកាន់តែចុះអន់ថយ បើធៀបទៅនឹងប្រទេសចិន។
«ការកាត់ជំនួយអភិវឌ្ឍន៍ដោយមិនប្រុងប្រយ័ត្នរបស់អាមេរិកដល់កម្ពុជា រហូតដល់កម្រិតសូន្យ រដ្ឋបាលលោក ត្រាំ អាចនឹងបង្កើតឲ្យមានការយល់ឃើញប្រកបដោយការមិនពេញចិត្តរបស់កម្ពុជាចំពោះអាមេរិកហើយវានឹងជំរុញឲ្យកម្ពុជាងាកចូលទៅក្នុងដែនសេដ្ឋកិច្ចរបស់ចិនកាន់តែខ្លាំង»៕
រដ្ឋាភិបាលកម្ពុជាជំពាក់បំណុលចិនសរុបជិត៣ពាន់លានដុល្លារអាមេរិក
Fri 10th Waning Moon of Citta B.E.2560, April 21, A.D.2017 Year of the Rooster
វិទ្យុអាស៊ីសេរី
គិតត្រឹមដំណាច់ឆ្នាំ២០១៦ នេះ រដ្ឋាភិបាលកម្ពុជា ជំពាក់បំណុលប្រទេសចិន សរុបជិត ៣ពាន់លាន ឬ ៣ប៊ីលានដុល្លារអាមេរិក។ បំណុលទាំងនេះមិនទាន់រាប់បញ្ចូលពីបំណុលចាស់ដែលបន្សល់ទុកដោយរដ្ឋាភិបាលជំនាន់មុនជំពាក់ប្រទេសចិន មុនឆ្នាំ១៩៩៣ នៅឡើយទេ។
ព្រឹត្តិបត្រស្ថិតិបំណុលសាធារណៈកម្ពុជា របស់ក្រសួងសេដ្ឋកិច្ច និងហិរញ្ញវត្ថុ ឲ្យដឹងថា រដ្ឋាភិបាលកម្ពុជា ជំពាក់បំណុលប្រទេសចិន ច្រើនជាងប្រទេសណាៗទាំងអស់។ គិតត្រឹមបំណាច់ឆ្នាំ២០១៦ កម្ពុជាជំពាក់ចិន សរុប ២.៨១៨,៣៧ លានដុល្លារអាមេរិក។ តួលេខដដែលឲ្យដឹងទៀតថា សរុបត្រឹមឆ្នាំ២០១៦ រដ្ឋទូទាត់បំណុលសងទៅប្រទេសចិន វិញ បានសរុបចំនួនជិត ២៦០លានដុល្លារអាមេរិក។
ក្រៅពីម្ចាស់បំណុលចិន រដ្ឋក៏កំពុងជាប់ជំពាក់បំណុលស្ថាប័នហិរញ្ញវត្ថុអន្តរជាតិ និងប្រទេសធំៗដទៃទៀតជាច្រើនផងដែរ។ សម្រាប់ស្ថាប័នហិរញ្ញវត្ថុអន្តរជាតិ រដ្ឋជំពាក់រួមមាន ធនាគារអភិវឌ្ឍន៍អាស៊ី (ADB) ចំនួនជិត ១.១៣០លានដុល្លារអាមេរិក (១.១២៨,៩១) ធនាគារពិភពលោក (WB) ចំនួនជាង ៥១៨លានដុល្លារអាមេរិក (៥១៨,១៤) មូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) ចំនួនជាង ៥១លានដុល្លារអាមេរិក (៥១,២៨) មូលនិធិអូប៉ិចសម្រាប់ការអភិវឌ្ឍអន្តរជាតិ (OFID) ចំនួនជាង ៣៣លានដុល្លារអាមេរិក (៣៣,៤៦) និងមូលនិធិអភិវឌ្ឍន៍ន័រឌឹក (NDF) ចំនួនជាង ៩លានដុល្លារអាមេរិក (៩,២៤)។
ក្រៅពីចិន កម្ពុជាក៏ជំពាក់ប្រាក់ប្រទេសកូរ៉េខាងត្បូង នៅលំដាប់ទីពីរសរុបជាប្រាក់ ២៨០លានដុល្លារអាមេរិក។ ប្រទេសជប៉ុន ឈរក្នុងលំដាប់ទីបីដែលកម្ពុជា ជំពាក់សរុបចំនួនជាង ២០៨លានដុល្លារអាមេរិក (២០៨,៣៦) ប្រទេសបារាំង សរុបចំនួនជាង ៥៨លានដុល្លារអាមេរិក (៥៨,៤០) និងប្រទេសឥណ្ឌា សរុបចំនួនជាង ៤២លានដុល្លារអាមេរិក (៤២,២៣)។
ក្រៅពីប្រទេសធំៗដែលបានរៀបរាប់ពីខាងលើនេះ កម្ពុជាក៏បានជំពាក់បំណុលប្រទេសជិតខាងភូមិផងរបងរបស់ខ្លួនផងដែរ។ រដ្ឋជំពាក់ប្រទេសថៃ ជាង ៥៤លានដុល្លារអាមេរិក (៥៤,៣២) និងប្រទេសវៀតណាម សរុបចំនួនជាង ២៥លានដុល្លារអាមេរិក (២៥,៦២)។
ជារួម បំណុលសាធារណៈក្រៅប្រទេសដែលរដ្ឋជំពាក់ទាំងស្ថាប័នហិរញ្ញវត្ថុអន្តរជាតិ និងប្រទេសម្ចាស់បំណុល គិតត្រឹមបំណាច់ឆ្នាំ២០១៦ មានសរុបចំនួនជិត ៦ពាន់លានដុល្លារអាមេរិក ឬ ៦ប៊ីលានដុល្លារអាមេរិក។ តួលេខនេះរួមបញ្ចូលទាំងបំណុលចាស់សរុបជា ៦៣៥លានដុល្លារអាមេរិក (៦៣៥,១៩) ដែលក្នុងបំណុលនេះ កម្ពុជាជំពាក់បំណុលសហរដ្ឋអាមេរិក កាលពីសម័យសង្គ្រាមសរុបទាំងដើមទាំងចុងចំនួន ៥០៥លានដុល្លារអាមេរិក ផងដែរ។
ក្រសួងសេដ្ឋកិច្ច និងហិរញ្ញវត្ថុឲ្យនិយមន័យបំណុលសាធារណៈក្រៅប្រទេសថា សំដៅដល់បំណុលក្រៅប្រទេសរបស់រដ្ឋដែលកើតឡើងស្របតាមច្បាប់អនុញ្ញាត ដោយមិនគិតបញ្ចូលបំណុលដែលពុំមានការធានាពីរដ្ឋ។ ក្នុងបរិការណ៍កម្ពុជា បច្ចុប្បន្នបំណុលនេះមានតែការខ្ចីឥណទានសម្បទានពីដៃគូអភិវឌ្ឍន៍ទ្វេភាគី និងពហុភាគីក្រៅប្រទេសប៉ុណ្ណោះ។ ដោយឡែកបំណុលចាស់ គឺសំដៅដល់បំណុលដែលបន្សល់ទុកដោយរដ្ឋាភិបាលជំនាន់មុនជាបំណុលដែលបានកើតឡើងមុនឆ្នាំ១៩៩៣។ ភាគច្រើននៃបំណុលទាំងនេះ ត្រូវបានចរចាដោះស្រាយជាមួយដៃគូរួចរាល់ហើយ ក្នុងនោះមួយចំនួនត្រូវបានទូទាត់សងរួចរាល់ជាស្ថាពរ និងមួយចំនួនកំពុងត្រូវបានទូទាត់តាមកម្មវិធីសងក្នុងកិច្ចព្រមព្រៀង។
គិតចាប់ពីឆ្នាំ២០១៤ មក កម្ពុជាទូទាត់សងបំណុលបរទេសជាមធ្យមក្នុងមួយឆ្នាំៗសរុបមិនតិចជាង ១៥០លានដុល្លារអាមេរិក។ របាយការណ៍ដដែលឲ្យដឹងថា យោងតាមការព្យាករ រដ្ឋាភិបាលគ្រោងនឹងខ្ចីបំណុលបន្ថែមពីបរទេសជិត ១ពាន់លានដុល្លារអាមេរិកក្នុងឆ្នាំ២០១៧ នេះ និងឲ្យបានជាង ១.០៧៧,៤៣លានដុល្លារអាមេរិក នៅក្នុងឆ្នាំ២០១៨។ របាយការណ៍ក៏បានព្យាករផងដែរថា នៅត្រឹមឆ្នាំ២០២១ បំណុលដែលរដ្ឋនឹងជំពាក់បរទេស និងស្ថាប័នហិរញ្ញវត្ថុអន្តរជាតិសរុបនឹងកើនឡើងរហូតដល់ទៅជាង ១ម៉ឺនលានដុល្លារអាមេរិក ឬជាង ១០ប៊ីលានដុល្លារអាមេរិក។
យ៉ាងណាក៏ដោយ របាយការណ៍នេះមិនបានបញ្ជាក់លម្អិតពីអត្រាការប្រាក់ដែលប្រទេសម្ចាស់បំណុលទាំងនោះ តម្រូវឲ្យកម្ពុជា ចេញសងជាមួយនឹងកម្ចីដើមនោះឡើយ។ គិតត្រឹមយប់ថ្ងៃទី២០ ខែមេសា នេះ អាស៊ីសេរីនៅមិនទាន់អាចទាក់ទងមន្ត្រីនាំពាក្យក្រសួងសេដ្ឋកិច្ច ឬអ្នកឃ្លាំមើលស្ថានភាពនយោបាយកម្ពុជា ដើម្បីស្នើសុំសេចក្ដីពន្យល់លម្អិត និងវិភាគអំពីករណីនេះបាននៅឡើយទេ។
បើទោះជាចំនួនបំណុលសរុបដែលរដ្ឋាភិបាលកម្ពុជា ជំពាក់បរទេសចេះតែមានការកើនឡើងពីមួយឆ្នាំទៅមួយឆ្នាំឥតឈប់ឈរយ៉ាងណាក៏ដោយ របាយការណ៍របស់ក្រសួងសេដ្ឋកិច្ច និងហិរញ្ញវត្ថុដដែលអះអាងតាមរយៈការសន្និដ្ឋានរបស់ខ្លួនថា “ដោយផ្អែកតាមបទដ្ឋានបច្ចេកទេសអន្តរជាតិ” ស្ថានភាពបំណុលសាធារណៈកម្ពុជា បច្ចុប្បន្នមាន “ចិរភាព” និងមាន “ហានិភ័យកម្រិតទាប”៕
សេចក្តីប្រកាសព័ត៌មាន អំពីលទ្ធផលផ្លូវការនៃការចាប់ឆ្នោតកំណត់លំដាប់លេខរៀងបញ្ជីបេក្ខជន នៃគណបក្សនយោបាយឈរឈ្មោះបោះឆ្នោត ទូទាំង ២៥ រាជធានី ខេត្ត
Thu 10th Waxing Moon of Citta B.E.2560, April 6, A.D.2017 Year of the Monkey
Download in PDF: Result-of-draw-political-parties-all-25
Thu 3rd Waxing Moon of Citta B.E.2560, March 30, A.D.2017 Year of the Monkey
The Phnom Penh Post
The United Nation’s human rights office in Cambodia yesterday jumped into the political fray, deeming controversial amendments to the Law on Political Parties in breach of the Kingdom’s constitution and international human rights law.
In a 32-page legal analysis, released online, the UN Office of the High Commissioner of Human Rights (OHCHR) stated the legislative changes, hastily drafted by the Cambodian People’s Party and swiftly approved by parliament in February, included “vague” language and “excessive” restrictions. The amendments, widely seen as aimed at the opposition Cambodia National Rescue Party, allow authorities to dissolve parties for threatening “national unity”, the “security of the state” or making “serious mistakes”.
សូមអរគុណដ៏ជ្រាលជ្រៅចំពោះសប្បុរសជននូវវិភាគទានទាំងនេះ។