រដ្ឋាភិបាលគ្រោងសង់ស្ពាន២ទៀតឆ្លងកាត់ទន្លេមេគង្គទៅអរិយក្សត្រនិងស្វាយជ្រំ
ព្រះសង្ឃនិងពលរដ្ឋរង់ចាំសាឡាងនៅកំពង់ដអរិយក្សត្រ ក្នុងខេត្តកណ្ដាល។ រូបថតថ្ងៃ៦ មីនា ឆ្នាំ២០១៤ Photo: RFA
ដោយ អ៊ុង សេរីវុទ្ធ RFA 2015-10-22
រដ្ឋាភិបាលមានគម្រោងសង់ស្ពានពីរទៀត ដែលឆ្លងកាត់ទន្លេមេគង្គ ទៅកាន់អរិយក្សត្រ និងស្វាយជ្រំ។ នេះបើយោងតាមការលើកឡើង ជាសាធារណៈរបស់លោកនាយករដ្ឋមន្ត្រី ហ៊ុន សែន ដែលថ្លែងក្នុងពិធីសម្ពោធស្ពានជ្រោយចង្វារទី២ នៅថ្ងៃទី២២ តុលា។
ប៉ុន្តែលោក ហ៊ុន សែន បញ្ជាក់ថា គម្រោងដែលសិក្សាដោយក្រុមហ៊ុនសាជីវកម្មស្ពានថ្នល់របស់ចិននេះ ស្ថិតនៅក្នុងការសិក្សានៅឡើយ ហើយក៏ជាចក្ខុវិស័យរបស់រដ្ឋាភិបាលសម្រាប់ទៅថ្ងៃមុខផងដែរ៖ «ដើម្បីការអភិវឌ្ឍបាន ការតភ្ជាប់សំខាន់ណាស់ ហើយនៅក្នុងការតភ្ជាប់នេះ គឺអ្នកដែលមានលទ្ធភាពជួយយើងបាន គឺមិត្តចិននេះឯង អ៊ីចឹងទេក្រុមហ៊ុនសាជីវកម្មស្ពានថ្នល់របស់ចិននេះ ដែលបានសាងសង់ស្ពានជ្រោយចង្វារនេះ កំពុងសិក្សាបន្ត ទៅលើគម្រោងស្ពានទាំងពីរនេះ»។
ទីតាំងដែលស្ថិតនៅក្នុងការសិក្សា គម្រោងសង់ស្ពានទាំងទី២នេះ ទី១ស្ថិតនៅចំណុចសង្កាត់ជ្រោយចង្វារ ខណ្ឌជ្រោយចង្វារ ឆ្លងកាត់ទន្លេមេគង្គលើ ទៅឃុំស្វាយជ្រំ ស្រុកខ្សាច់កណ្ដាល ខេត្តកណ្ដាល និងទីតាំង១ទៀត ស្ថិតនៅចំណុចភូមិក្ដីតាកុយ សង្កាត់ព្រែកឯង ខណ្ឌច្បារអំពៅ ឆ្លងកាត់ទន្លេមេគង្គក្រោម ទៅឃុំអរិយក្សត្រ ស្រុកល្វាឯម ខេត្តកណ្ដាល៕
តើសហគមន៍កសិកម្មចំណេញអ្វីខ្លះដល់កសិករខ្នាតតូច?
ប្រជាកសិករប្រមូលផលគ្រាប់សណ្ដែកបាយ នៅចំណុចគន្លងអិន សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង កាលពីថ្ងៃទី២ ខែមីនា ឆ្នាំ២០១៥។ RFA/Chin Chetha
ដោយ អ៊ុំ រង្សី RFA 2015-10-22
សង្គមស៊ីវិលដែលធ្វើការពាក់ព័ន្ធនឹងវិស័យកសិកម្មបារម្ភថា បញ្ហាចោទរបស់កសិករខ្នាតតូច នឹងបន្តប៉ះពាល់ដល់សន្តិសុខស្បៀង ដើម្បីឆ្លើយតបនឹងកំណើនប្រជាជនក្នុងប្រទេស និងផលិតឲ្យលើសសម្រាប់ការនាំចេញ។ ទន្ទឹមគ្នានេះ សង្គមស៊ីវិលបានជំរុញឲ្យរដ្ឋាភិបាល បង្កើតសហគមន៍កសិកម្មគាំទ្រដល់កសិករខ្នាតតូច ដើម្បីផ្តល់អំណាចទីផ្សារលក់ផលិតផលដល់កសិករកម្ពុជា។
តើសហគមន៍កសិកម្ម ផ្តល់ផលចំណេញអ្វីខ្លះដល់កសិករខ្នាតតូចនៅកម្ពុជា?
សង្គមស៊ីវិលដែលធ្វើការពាក់ព័ន្ធនឹងវិស័យកសិកម្ម ចង់ឲ្យរដ្ឋាភិបាល និងស្ថាប័នពាក់ព័ន្ធដទៃទៀត បង្កើតសហគមន៍កសិកម្មគាំទ្រកសិករខ្នាតតូច ដើម្បីការអភិវឌ្ឍវិស័យកសិកម្មដែលជាសសរស្ដម្ភទីមួយ និងជាក្បាលម៉ាស៊ីនជំរុញកំណើនសេដ្ឋកិច្ចជាតិមួយនេះ។
ជាងនេះទៀត សង្គមស៊ីវិលក៏យល់ថា វិបត្តិសេដ្ឋកិច្ចគ្រួសាររបស់កសិករខ្នាតតូចនៅកម្ពុជា ដែលបណ្ដាលមកពីបញ្ហាប្រឈមក្នុងវិស័យកសិកម្ម ក៏បានក្លាយជាបញ្ហាចោទជំរុញឲ្យកសិករមួយចំនួនធំ ក្លាយជាកូនបំណុលរបស់ធនាគារ និងគ្រឹះស្ថានហិរញ្ញវត្ថុនានា ដែលត្រូវប្រឈមខ្វះប្រាក់បង្វិលសងម្ចាស់បំណុល ឬនឹងអាចត្រូវធនាគាររឹបអូសទ្រព្យបញ្ចាំពីការខ្ចីប្រាក់ក៏មាន។ មិនតែប៉ុណ្ណោះ បញ្ហាប្រឈមនៅក្នុងវិស័យកសិកម្មនេះហើយ ក៏បានជំរុញឲ្យចំនួនប្រជាជនកម្ពុជា ដែលធ្វើការក្នុងវិស័យកសិកម្ម កំពុងថយចុះគួរឲ្យកត់សម្គាល់នៅក្នុងប៉ុន្មានឆ្នាំចុងក្រោយនេះ។
កសិករស្រុកត្រាំកក់ ខេត្តតាកែវ ប្រមូលផលស្រូវ។ រូបថតថ្ងៃទី២៣ ខែធ្នូ ឆ្នាំ២០១៤ RFA/Ouk Savborey
Funeral Services of the late Mr. David Kim on OCT. 23-26, B.E.2559 A.D.2015
Mon the 7th Waxing Moon of Assayuja B.E.2559, October 19, A.D.2015 Year of the Goat
របាយការណ៍បង្ហាញថាស្ថានភាពស្រេកឃ្លានរបស់កម្ពុជាឋិតក្នុងកម្រិតធ្ងន់ធ្ងរនៅឡើយ
ពលរដ្ឋក្រីក្ររស់នៅក្នុងភូមិក្រសាំង ស្រុកស្នួល ខេត្តក្រចេះ។ រូបថតថ្ងៃទី១៧ ធ្នូ ២០១៤។ RFA/Brach Chev
ដោយ យាង សុជាមេត្តា RFA 2015-10-19
របាយការណ៍សន្ទស្សន៍ភាពស្រេកឃ្លានសកលឆ្នាំ២០១៥ ដែលចេញផ្សាយនៅខែតុលា បង្ហាញថា ប្រទេសកម្ពុជា ទទួលបានពិន្ទុ ២២,៦ ដែលត្រូវនឹងចំណាត់ថ្នាក់លេខ៦០ ក្នុងចំណោមប្រទេសទាំងអស់១១៧។ ពិន្ទុនេះបង្ហាញថា កម្ពុជា បានកាត់បន្ថយភាពស្រេកឃ្លានប្រមាណ ៥០% ចាប់តាំងពីឆ្នាំ២០០០ មក។ តែទោះជាយ៉ាងណា ចំណាត់ថ្នាក់នេះមានន័យថា ស្ថានភាពស្រេកឃ្លានរបស់កម្ពុជា ស្ថិតក្នុងកម្រិតធ្ងន់ធ្ងរនៅឡើយ។
សន្ទស្សន៍ភាពស្រេកឃ្លានសកលឆ្នាំ២០១៥ ឬហៅជាភាសាអង់គ្លេសថា គ្លូបល ហាំងហ្គឺ អ៊ិនដិច (Global Hunger Index) ដែលចេញផ្សាយពេលនេះ ត្រូវបានសិក្សាដោយអង្គការអន្តរជាតិចំនួន៣ គឺវិទ្យាស្ថានស្រាវជ្រាវគោលនយោបាយចំណីអាហារអន្តរជាតិ (International Food Policy Research Institute) អង្គការ ខនសឺន វើលវ៉ាយ (Concern Worldwide) និងអង្គការ វ៉ែលហាំងហ្គឺហីហ្វ (Welhungerhilfe)។
សន្ទស្សន៍ភាពស្រេកឃ្លានសកលឆ្នាំ២០១៥ ដែលសិក្សាទៅលើបញ្ហាសំខាន់ៗចំនួន៤ ដូចជា បញ្ហាកង្វះអាហារូបត្ថម្ភ កង្វះទម្ងន់កុមារ កុមារក្រិន និងអត្រាមរណភាពរបស់កុមារ បានបង្ហាញតារាងចំណាត់ថ្នាក់ប្រទេសចំនួន១១៧ ដែលក្នុងនោះ កម្ពុជា ឋិតនៅចំណាត់ថ្នាក់លេខ៦០ ដែលមានពិន្ទុ ២២,៦។ ពិន្ទុនេះបង្ហាញថា ស្ថានភាពស្រេកឃ្លាននៅកម្ពុជា បានថយចុះប្រមាណ ៥០% បើធៀបទៅនឹងឆ្នាំ២០០០ ដែលនៅពេលនោះ កម្ពុជា ទទួលបានពិន្ទុ ៤៥។
១២-មិថុនា-២០១៤៖ ជនអនាថាក្រីក្រសម្រាកតាមចិញ្ចើមថ្នល់មួយនារាជធានីភ្នំពេញ។ RFA/Ouk Savborey
សន្ទស្សន៍ភាពស្រេកឃ្លានសកលឆ្នាំ២០១៥ បានចែកចំណាត់ថ្នាក់ប្រទេសជា ៥ប្រភេទ គឺប្រទេសដែលមានអត្រាភាពស្រេកឃ្លានកម្រិតទាប កម្រិតមធ្យម កម្រិតធ្ងន់ធ្ងរ កម្រិតប្រកាសអាសន្ន និងកម្រិតប្រកាសអាសន្នខ្លាំង។ បើទោះជារបាយការណ៍បង្ហាញថា ស្ថានភាពស្រេកឃ្លានរបស់កម្ពុជា ប្រសើរជាងឆ្នាំ២០០០ ជិតពាក់កណ្ដាលក៏ដោយ ប៉ុន្តែស្ថានភាពស្រេកឃ្លាននេះ គឺឋិតក្នុងសភាពធ្ងន់ធ្ងរនៅឡើយ បើធៀបទៅនឹងប្រទេសផ្សេងទៀតក្នុងសមាគមអាស៊ាន កម្ពុជា ទទួលបានចំណាត់ថ្នាក់ប្រសើរជាងប្រទេសភូមា និងឡាវ តែនៅពីក្រោយប្រទេសម៉ាឡេស៊ី ថៃ វៀតណាម ហ្វីលីពីន និងប្រទេសឥណ្តូនេស៊ី។
សន្ទស្សន៍ភាពស្រេកឃ្លានសកលឆ្នាំ២០១៥ បង្ហាញដែរថា បច្ចុប្បន្នពលរដ្ឋកម្ពុជា ប្រមាណ ១៤,២% នៅមានបញ្ហាកង្វះអាហារូបត្ថម្ភក្មេងអាយុក្រោម ៥ឆ្នាំ ៩,៦% មានបញ្ហាកង្វះទម្ងន់ កុមារក្រិនមានចំនួន ៣២,៤% និងកុមារស្លាប់នៅអាយុក្រោម ៥ឆ្នាំចំនួន ៣,៨%។
យ៉ាងណាក៏ដោយ របាយការណ៍នេះមិនទាន់ធ្វើឲ្យមន្ត្រីរដ្ឋាភិបាលពេញចិត្តនៅឡើយ។
រដ្ឋលេខាធិការ និងជាអ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា របាយការណ៍សន្ទស្សន៍ភាពស្រេកឃ្លានសកលឆ្នាំ២០១៥ មិនទាន់ឆ្លុះបញ្ចាំងការពិតនៅកម្ពុជា នោះទេ បើទោះជារបាយការណ៍នេះបង្ហាញថា កម្ពុជា បានកាត់បន្ថយប្រមាណ ៥០% នៃអត្រាភាពស្រេកឃ្លានក្នុងរយៈពេល ១៥ឆ្នាំចុងក្រោយនេះក៏ដោយចុះ។ លោក ផៃ ស៊ីផាន យល់ថា កម្ពុជា សម្រេចបានការកាត់បន្ថយភាពស្រេកឃ្លានច្រើនជាងនេះ៖ «របាយការណ៍នេះអត់ឆ្លើយតបនឹងអ្វីដែលយើងមាន។ យើងធ្វើការជាមួយធនាគារពិភពលោក (World Bank) និងធនាគារអភិវឌ្ឍន៍អាស៊ី (ADB) យើងកាត់បន្ថយច្រើនជាងនេះ របាយការណ៍នេះមិនទាន់ត្រឹមត្រូវ»។ (more…)
Temple timber cutters sought
A tree lies on the ground near Koh Ker in Preah Vihear province last week after it was illegally felled. Photo supplied
Phak Seangly, The Phnom Penh Post
Mon, 19 October 2015
A authorities in Preah Vihear province are hunting 12 people, including an environmental protection official, suspected of involvement in illegally harvesting 10 luxury wood trees near the ancient archaeological site of Koh Ker.
The logging was discovered during a visit to Kulen district’s Srayong commune in the days after the Pchum Ben festival closed on October 14 by officers from the Forestry Administration and Apsara Authority, which is tasked with conserving ancient archaeological sites.
“The suspects used a chainsaw to cut down the trees at night during the Pchum Ben days,” said local community leader Sem Lom yesterday. “They logged some trees near an [Apsara] outpost, but there was no intervention, suggesting collusion.”
A local villager, who accompanied the officials during the inspection but declined to be named, said 12 suspects who live in Srayong commune’s Romchek village are wanted for questioning, with an Apsara ranger among them.
Apsara Authority spokesperson Chau Sun Kerya yesterday declined to comment on the allegation that an authority official was involved.
Hun Sen talks poverty
Prime Minister Hun Sen talks at the Global Poverty Reduction and Development Forum in Beijing on Friday, where he outlined the government’s strategy for tackling poverty. Photo supplied
Zoe Holman, The PPhnom Penh Post
Mon, 19 October 2015
Prime Minister Hun Sen has outlined Cambodia’s strategy for tackling poverty in a keynote speech to a United Nations forum in Beijing marking the 2015 International Day for Eradication of Poverty.
Addressing the gathering of leaders on Friday, the premier lauded the 1 billion people brought out of poverty worldwide since 1990, noting Cambodia’s achievement in reducing the population living below the poverty line from 53.2 per cent to 13.5 per cent between 2004 and 2014.
Yet he also emphasised the continued risk of thousands of Cambodians slipping below the threshold into poverty.
“People living close to the poverty line – in rural areas, those who are deprived of any protection from the government and those who receive minimal economic opportunities – are prone to falling back into poverty through economic shock or natural disasters such as droughts, or rising food and oil prices,” he said.
“Because poverty is multifaceted . . . we must create an opportunity for all people to participate in socioeconomic activities.”
Toward this goal, Hun Sen outlined five key strategies: maintaining long-term economic growth; investing in agriculture and infrastructure to ensure food security; accelerating trade liberalisation; upgrading education; and promoting financial inclusion.
The opposition Cambodia National Rescue Party, however, cast doubt on the success of the government’s initiatives to date as well as its future commitment to the economic inclusion of Cambodia’s poorest. (more…)
Demonstration against Hun Sen in Paris on Ocotber 24, 2015
When: October 24, B.E.2559 A.D.2015
Time: 2:30PM
Venue: Esplanade du Trocadéro
Public Announcement: Demonstration to demand the Hun Sen government to respect OCT. 23 1991 Paris Peace Accords on Kampuchea (Cambodia)
សេចក្តីជូនដំណឹង: ថ្ងៃសៅរ៍ ទី២៤ តុលា ព.ស.២៥៥៩ គ.ស.២០១៥ ម៉ោង ១៤ កន្លះ នៅ Esplanade du Trocadéro សហគមន៍ខ្មែរនៅប្រទេសបារាំងបានរៀបចំជួបជុំគ្នា ដើម្បីទាមទារឲ្យ រដ្ឋាភិបាលលោក ហ៊ុន សែន គោរពកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១ សូមអញ្ជើញជនរួមជាតិចូលរួមឲ្យច្រើនបានកុះករ ។
Informations: Le 24/10/2015 à 14h30 il aura les rassemblement à l esplanade de Trocadéro pour faire respecter les accords de paix de paris le 23/10/1991
កិច្ចប្រជុំពីរថ្ងៃនៃគណៈកម្មការចម្រុះកម្ពុជាវៀតណាមលើកទី១៤បើកធ្វើនៅល្ងាចថ្ងៃអាទិត្យ
លោកឧបនាយករដ្ឋមន្ត្រី ហោ ណាំហុង© សហការី
ដោយ ឯម មាឃ18/10/201518/10/2015rfi
គណៈកម្មការចម្រុះកម្ពុជាវៀតណាមលើកទី១៤ បើកការប្រជុំស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា នៅល្ងាចថ្ងៃអាទិត្យនេះ ហើយគ្រោងនឹងបិទបញ្ចប់នៅថ្ងៃចន្ទ។ រដ្ឋមន្ត្រីការបរទេស ហោ ណាំហុង បានចាកចេញពីកម្ពុជា តាំងពីរសៀលម្សិលមិញ ដោយដឹកនាំគណៈប្រតិភូមួយក្រុម ទៅចូលរួមកិច្ចប្រជុំ ដែលចៀសមិនផុតពីការលើកនិយាយអំពីបញ្ហាព្រំដែនកម្ពុជាវៀតណាមឡើយ។
ការប្រជុំរបស់គណៈកម្មការចម្រុះកម្ពុជាវៀតណាម លើកទី១៤ ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា បើកធ្វើនៅល្ងាចថ្ងៃអាទិត្យ ទី១៨ ខែតុលា ឆ្នាំ២០១៥ នៅទីក្រុងហូជីមិញ។
តាំងពីរសៀលថ្ងៃសៅរ៍ លោក ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា បានដឹកនាំគណៈប្រតិភូមួយក្រុម ដើម្បីទៅចូលរួមក្នុងកិច្ចប្រជុំនោះ។ ក្នុងចំណោមរបៀវារៈជាច្រើន បញ្ហាព្រំដែនកម្ពុជាវៀតណាមនឹងត្រូវលើកយកមកពិភាក្សាផងដែរ ខណៈដែលការបោះបង្គោលព្រំដែនខណ្ឌចែកប្រទេសទាំងពីរនៅមិនទាន់បានបញ្ចប់។ ចាប់តាំងពីឆ្នាំ២០១៣មក ភាគីវៀតណាមបានព្យាយាមធ្វើផ្លូវ ជីកស្រះទឹក និងសង់ប៉ុស្តិ៍យាម តាមបណ្ដោយព្រំដែនដែលមិនទាន់បានកំណត់ច្បាស់លាស់នៅឡើយ រហូតធ្វើឱ្យក្រសួងការបរទេសកម្ពុជាបញ្ចេញកំណត់ទូតតវ៉ាទៅភាគីវៀតណាមជាបន្តបន្ទាប់ជាង១០ដង។
អ្នកនាំពាក្យឱ្យក្រសួងការបរទេស និងសហប្រតិបត្តិការកម្ពុជា នៅរសៀលថ្ងៃអាទិត្យ បានបញ្ជាក់បន្ថែមថា ការពិភាក្សានៅក្នុងកិច្ចប្រជុំលើកទី១៤នេះនឹងផ្តោតលើ«បញ្ហាទាំងអស់ក្នុងទំនាក់ទំនងទ្វេភាគីកម្ពុជាវៀតណាម»។ លោក ជុំ សុន្ទរី បានឱ្យដឹងថា លោក វ៉ា គឹមហុង ទេសរដ្ឋមន្ត្រីកម្ពុជាទទួលបន្ទុកកិច្ចការព្រំដែន ក៏ស្ថិតក្នុងចំណោមសមាជិកគណៈប្រតិភូដែរ។
លោក ហោ ណាំហុង រដ្ឋមន្ត្រីការបរទេសកម្ពុជា និងលោក ផាម ប៊ិញ មិញ (Pham Binh Minh) ដែលរដ្ឋមន្ត្រីការបរទេសវៀតណាម នឹងចុះហត្ថលេខារួមគ្នាលើកំណត់ហេតុនៃកិច្ចប្រជុំគណៈកម្មការចម្រុះកម្ពុជាវៀតណាមលើកទី១៤ ដែលនឹងបិទបញ្ចប់នៅថ្ងៃចន្ទ ទី១៩ ខែតុលា ឆ្នាំ២០១៥៕
អនុប្រធានបក្សសំបុកឃ្មុំសង្គមប្រជាធិបតេយ្យជំរុញតុលាការចាត់ការបណ្ដឹងសុំរំលាយបក្ស
ពីឆ្វេង៖ អនុប្រធានគណបក្សសំបុកឃ្មុំសង្គមប្រជាធិបតេយ្យ លោក ហារី សំអាត ប្រធានគណបក្ស លោក ម៉ម សូណង់ដូ និងអនុប្រធានគណបក្ស លោក ហ៊ាង ឫទ្ធី ផ្ដល់បទសម្ភាសន៍ក្នុងពេលធ្វើសមាជបក្សកាលពីថ្ងៃទី៩ កញ្ញា ឆ្នាំ២០១៥។ RFA/Uon Chhin
ដោយ ខែ សុណង RFA 2015-10-18
អនុប្រធានគណបក្សសំបុកឃ្មុំសង្គមប្រជាធិបតេយ្យ ជំរុញឲ្យសាលាដំបូងរាជធានីភ្នំពេញ ចាត់ការលើសំណុំរឿងប្ដឹងសុំរំលាយគណបក្សនេះ ដែលដឹកនាំដោយ លោក ម៉ម សូណង់ដូ។
អនុប្រធានគណបក្សសំបុកឃ្មុំសង្គមប្រជាធិបតេយ្យ លោកបណ្ឌិត ហ៊ាង ឫទ្ធី មានប្រសាសន៍នៅថ្ងៃទី១៨ តុលា ថា លោក ម៉ម សូណង់ដូ គឺជាអ្នកប្រជាធិបតេយ្យក្លែងក្លាយ ដែលតែងតែប្រើអំណាចផ្ដាច់ការ និងចាយវាយថវិកាបក្សគ្មានតម្លាភាព។ លោកថា នៅថ្ងៃច័ន្ទ ទី១៩ តុលា លោកនឹងជួបផ្ទាល់ជាមួយប្រធានសាលាដំបូងរាជធានីភ្នំពេញ៖ «ថ្ងៃស្អែកទៅជួបប្រធានតុលាការ ដើម្បីសួរពីដំណើរការហ្នឹងថា ថ្ងៃណាគេនឹងចាត់ការបណ្ដឹងហ្នឹង។ យើងមិនចង់ឲ្យ លោក ម៉ម សូណង់ដូ អ្នកប្រជាធិបតេយ្យក្លែងក្លាយ ដើរភូតភរកុហកបោកប្រាស់ប្រជាពលរដ្ឋទាំងក្នុងស្រុកក្រៅស្រុក យកថវិកាមកដើម្បីប្រយោជន៍ខ្លួនឯង មិនមែនដើម្បីជាតិពិតប្រាកដ»។
ប្រធានគណបក្សសំបុកឃ្មុំសង្គមប្រជាធិបតេយ្យ លោក ម៉ម សូណង់ដូ រងការចោទពីអនុប្រធាន និងអគ្គលេខាធិការគណបក្ស ថាបានប្រព្រឹត្តអំពើពុករលួយ និងប្រើអំណាចផ្ដាច់ការ។ អនុប្រធានបក្ស ប្ដឹងសុំឲ្យតុលាការរំលាយគណបក្សដែលដឹកនាំដោយ លោក ម៉ម សូណង់ដូ នេះ។
វិទ្យុអាស៊ីសេរី មិនអាចទាក់ទង លោក ម៉ម សូណង់ដូ ដើម្បីសុំការឆ្លើយតបពីការចោទប្រកាន់នេះបានទេ នៅថ្ងៃទី១៨ តុលា។ ប៉ុន្តែកន្លងមក លោក ម៉ម សូណង់ដូ ធ្លាប់បានច្រានចោលចំពោះការចោទប្រកាន់នេះ និងថ្លែងថា លោកមិនចាប់អារម្មណ៍ចំពោះការប្ដឹងផ្ដល់នេះឡើយ។
កាលពីថ្ងៃទី៦ ខែតុលា អនុប្រធានគណបក្សសំបុកឃ្មុំសង្គមប្រជាធិបតេយ្យ លោក ហ៊ាង ឫទ្ធី និងថ្នាក់ដឹកនាំគណបក្សមួយចំនួនទៀត បានដាក់ពាក្យប្ដឹងទៅតុលាការក្រុងភ្នំពេញ ឲ្យរំលាយ ឬបិទគណបក្សចោល។
គណបក្សសំបុកឃ្មុំសង្គមប្រជាធិបតេយ្យ បានធ្វើសមាជបោះឆ្នោតជ្រើសរើសប្រធាន និងអនុប្រធានកាលពីថ្ងៃទី៩ កញ្ញា ដែលពេលនោះ អង្គសមាជបានបោះឆ្នោតលើកដៃគាំទ្រ លោក ម៉ម សូណង់ដូ ធ្វើជាប្រធាន និងជ្រើសរើស លោកបណ្ឌិត ហ៊ាង ឫទ្ធី និងលោក ហារី សំអាត ជាអណិកជនខ្មែរមកពីសហរដ្ឋអាមេរិក ធ្វើជាអនុប្រធានគណបក្ស៕
ព្រះមហាក្សត្រយាងបំពេញព្រះរាជទស្សនកិច្ចនៅប្រទេសវៀតណាមថ្ងៃទី១៩-២២តុលា
ព្រះមហាក្សត្រ ព្រះបាទសម្ដេច ព្រះបរមនាថ នរោត្តម សីហមុនី ក្នុងពិធីសម្ពោធដាក់ឲ្យប្រើប្រាស់អគារអន្តេវាសិកដ្ឋាន និងបន្ទះអគារពន្លឺព្រះអាទិត្យ ក្នុងមណ្ឌលអង្គការដើម្បីភាពញញឹមនៃកុមារ (PSE) នៅថ្ងៃទី៧ ខែកុម្ភៈ ឆ្នាំ២០១៤។ RFA/Morm Moniroth
ដោយ យាង សុជាមេត្តា RFA 2015-10-18
ព្រះមហាក្សត្រសម្ដេចព្រះបរមនាថ នរោត្តម សីហមុនី ព្រះអង្គនឹងយាងបំពេញព្រះរាជទស្សនកិច្ចនៅប្រទេសវៀតណាម ចាប់ពីថ្ងៃទី១៩ ដល់ថ្ងៃទី២២ ខែតុលា។
សម្ដេចព្រះនរោត្តម សីហមុនី មានព្រះរាជបន្ទូលនៅក្នុងព្រះរាជសាររបស់ព្រះអង្គ ចុះថ្ងៃទី១៨ ខែតុលា ថា ព្រះអង្គយាងបំពេញព្រះរាជទស្សនកិច្ចសម្រាកព្រះកាយនៅទីក្រុងវ៉េ (Hue) និងទីក្រុងដាឡាត (Dalat) ប្រទេសវៀតណាម ទៅតាមសំណើសូមយាងរបស់រដ្ឋាភិបាលវៀតណាម។
ព្រះអង្គមានព្រះរាជបន្ទូលថា នៅក្នុងឱកាសអវត្តមានរបស់ព្រះអង្គ ប្រធានព្រឹទ្ធសភា លោក សាយ ឈុំ នឹងទទួលជួយព្រះអង្គក្នុងឋានៈជាប្រមុខរដ្ឋស្តីទី។
ព្រះរាជបំពេញទស្សនកិច្ចរបស់ព្រះមហាក្សត្រខ្មែរ ទៅកាន់ប្រទេសវៀតណាម គឺស្របពេលដែលរដ្ឋមន្ត្រីក្រសួងការបរទេស លោក ហោ ណាំហុង ដឹកនាំគណៈប្រតិភូខ្មែរចូលរួមកិច្ចប្រជុំគណៈកម្មការចម្រុះកម្ពុជា-វៀតណាម ស្ដីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា ដែលប្រព្រឹត្តទៅនៅទីក្រុងហូជីមិញ (Ho Chi Minh) ប្រទេសវៀតណាម ចាប់ពីថ្ងៃទី១៨ ដល់ថ្ងៃទី១៩ ខែតុលា៕
សកម្មភាពសហគមន៍ខ្មែរក្រោម KKC activities
វប្បធម៌ខ្មែរកម្ពុជាក្រោម Khmer Krom Culture
Khmer Patriotic Songs
We’re On Facebook
